प्रकाश ओझाको फिल्ममा जीवनका भाई हिरो

1

‘बाउले विहे गर्देनन् पोर पनि, भत्काईदिन्छु वाख्राको खोर पनि’ बोलको गीत गाएर एकाएक चर्चामा आएका गायक प्रकाश ओझा अहिले सेलाए जस्तै देखिएका छन् । यसपछि यौन कान्डमा फसेकाले पनि प्रकाश ओझेलमा परेका हुन् ।

तर अब उनी सिनेमाको निर्देशनमा कम्मर कसेर लागेका छन् । प्रकाश ओझाले बनाउन लागेको नयाँ सिनेमाको नाम जुरिसकेको छैन । तर यो सिनेमामा नायक जीवन लुईटेलका भाई निराजन लुईटेल नायकको रुपमा रहने पक्का जस्तै छ । प्रकाशले सम्झौता भैनसके पनि निराजन नायक हुने पक्का भएको बताए । तर, निराजनलाई निरोजको नामबाट मिडियामा ल्याउने योजना निर्माणपक्षको छ । निराजनलाई सिनेमामा लिनुको कारणबारे निर्देशक ओझाले भने, ‘उ हरेक कोणबाट नायक बन्ने खालको छ । यस्तै, उसँग मेरो नजिकको सम्बन्ध पनि छ ।’ ६ महिना अघि देखि नै सिनेमा बनाउने योजना बनाए पनि सुरु गर्न नसकेको प्रकाशले बताए ।

चलचित्र बनाउनुको कारणबारे सोध्दा उनले भने, दमक, धरान, विर्तामोड लगायतका ठाउँहरुलाई चिनाउन सिनेमा बनाउन लागेको बताए । चलचित्र थि्रलर र कमेडि धारमा बन्न लागेको निर्माणपक्षको भनाई छ ।