चिन्तित सकिरा

२०६९-०६-०१

 ATOZ,काठ्माण्डौ

चर्चित र्यापर पिटबुलसँग गाएको आफ्नो नयाँ गीत आधिकारिक रुपमा बजारमा आउनुअघि नै इन्टरनेटमार्फत लिक भएपछि ल्याटिन गायिका सकिरा चिन्तित भएकी छिन् । ‘गेट इट स्टार्टेड’ गीत हालै इन्टरनेटमार्फत लिक भएको हो । रेडवन तथा एफ्रोज्याकद्वारा तयार गरिएको यो गीत ३३ वर्षीय र्यापरको आगामी गीति–संग्रह सार्वजनिक गर्ने योजना थियो । र्यापरको स्वरबाट यो गीत प्रारम्भ हुन्छ । त्यसपछि मात्र सकिराले आफ्नो आवाज दिएकी छिन् । पिटबुलले आगामी एक एनिमेटेड चलचित्रका लागि पनि गीत गाएका छन् । सकिरा पनि अहिले आफ्नो एकल गीति–संग्रहको तयारीमा छिन् । उनको संग्रह वर्ष २०१२ भित्रमै श्रोतामाझ आउनेछ